21-уми октябри соли 2025, Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа бо раиси Шурои директорони ширкати «Shanghai Electric Group Co., Ltd.» У Лэй вохӯрӣ анҷом дод.
Дар рафти мулоқот ҷонибҳо доир ба роҳандозии ҳамкориҳои мутақобилан судманд дар соҳаи энергетика, аз ҷумла дар самти рушди манбаъҳои барқароршавандаи энергия, мубодилаи афкор намуданд.
Ба ҳайати ширкати чинӣ рӯнамо оид ба имкониятҳо ва самтҳои асосии сармоягузорӣ дар соҳаи энергетикаи Тоҷикистон пешниҳод гардид.
Ҷониби ширкат барои ба роҳ мондани ҳамкориҳо дар самти бунёди неругоҳҳои офтобӣ ва бодӣ, хатҳои интиқоли баландшиддат, неругоҳҳои барқӣ бо истифода аз партовҳои маишӣ, инчунин таъсиси корхонаи муштараки истеҳсоли таҷҳизоти электромеханикӣ таваҷҷуҳ зоҳир кард.
ПАЁМҲО