🇹🇯🇮🇳19-уми марти соли 2026, Деҳлӣ (Ҳиндустон). — Дар ҳошияи форуми байналмилалии Bharat Electricity Summit 2026 мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа ва Вазири манбаъҳои нави ва барқароршавандаи энергияи Ҳиндустон Пралҳад Ҷошӣ баргузор гардид.
Ҷонибҳо дурнамои тавсеаи ҳамкории энергетикиро миёни кишварҳо баррасӣ намуда, ба рушди манбаъҳои барқароршавандаи энергия диққати махсус доданд.
Далер Ҷумъа иброз дошт, ки Тоҷикистон дорои иқтидори бузурги гидроэнергетикӣ буда, дар баробари ин, бо мақсади гуногунсозии тавозуни энергетикӣ рушди энергияи офтобиро фаъолона пеш мебарад.
Пралҳад Ҷошӣ ба дастовардҳои Ҳиндустон дар самти гузариш ба энергетикаи устувор ишора намуд.
Ҳамчунин, ҷониби Ҳиндустон Тоҷикистонро барои ҳамроҳ шудан ба ташаббуси байналмилалии International Solar Alliance даъват намуд.
Дар ҷараёни мулоқот ба татбиқи лоиҳаи минтақавии CASA-1000, ки ба содироти неруи барқ аз Осиёи Марказӣ ба Осиёи Ҷанубӣ равона шудааст, таваҷҷуҳи махсус зоҳир гардид.
ПАЁМҲО