🇹🇯🇺🇿 19-уми июни соли 2026, Бишкек. – Дар ҳошияи Вохӯрии 6-уми вазирони энергетикаи кишварҳои аъзои Созмони ҳамкории Шанхай вазири энергетика ва захираҳои оби Ҷумҳурии Тоҷикистон Далер Ҷумъа бо вазири энергетикаи Ҷумҳурии Ӯзбекистон Ҷурабек Мирзомаҳмудов мулоқот анҷом дод.
Дар мулоқот доираи васеи масъалаҳои ҳамкории дуҷониба, аз ҷумла, ҳамоҳангсозии содирот ва воридоти неруи барқ, махсусан дар давраи тирамоҳу зимистони солҳои 2026-2027, татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» ва воридоти гази табиӣ аз Ӯзбекистон ба Тоҷикистон мавриди муҳокима қарор гирифт.
Вазирон омодагии худро ба таҳкими ҳамоҳангсозии минбаъдаи робитаҳо дар самтҳои афзалиятнок иброз доштанд.
ПАЁМҲО
