20-уми октябри соли 2026, Душанбе. – Имкониятҳои ҳамкорӣ дар самти манбаъҳои барқароршавандаи энергия ва ҷорӣ намудани технологияҳои рақамӣ дар соҳаи энергетика дар мулоқоти роҳбарияти Вазорати энергетика ва захираҳои оби Ҷумҳурии Тоҷикистон бо ҳайати ширкати «China Electrical Equipment Group Co., Ltd.»-и Ҷумҳурии Мардумии Чин мавриди баррасӣ қарор гирифтанд.
Зимни мулоқот ҷонибҳо доир ба роҳандозии ҳамкориҳо дар самти бунёди неругоҳҳои барқи офтобӣ ва бодӣ, инчунин имкониятҳои истифодаи таҷҳизоти барқии истеҳсоли ширкат дар иншооти энергетикии кишвар табодули афкор намуданд.
Дар доираи баррасии ин масъалаҳо ба имкониятҳои истифодаи технологияҳои муосир барои рушди инфрасохтори энергетикӣ, баланд бардоштани самаранокии фаъолияти иншоот ва таҳкими эътимоднокии таъминоти неруи барқ таваҷҷуҳ зоҳир гардид.
Бахши дигари мулоқот ба рақамикунонии соҳаи энергетика бахшида шуд. Дар ин замина, имкониятҳои ширкат ҷиҳати пешниҳоди ҳалли технологӣ барои такмили идоракунӣ ва назорати фаъолияти шабакаҳои барқӣ баррасӣ гардиданд.
ПАЁМҲО
